१९ वर्षे जोडारको सनसनी, अब इतिहास रच्न एक जित टाढा

स्पेनका १९ वर्षीय राफेल जोडार पुरुष टेनिसमा नयाँ इतिहास बनाउने संघारमा पुगेका छन्।

क्यानडियन ओपनको सेमिफाइनलमा प्रवेश गरेसँगै जोडार पुरुष टेनिसको शीर्ष १० मा सबैभन्दा छिटो पुग्ने खेलाडी बन्ने दौडमा छन्। मोन्ट्रियलमा भएको क्वार्टरफाइनलमा जोडारले फ्रान्सका आर्थर फिल्सलाई ७–६ , ६–३ ले हराए। यो जितसँगै उनी प्रत्यक्ष एटीपी वरीयतामा ११औँ स्थानमा उक्लिएका छन्।