एउटै प्रयोजनमा दुईतिर भवन किन ?

बझाङ । बझाङको विकट साईपाल गाउँपालिका यतिबेला एउटा यस्तो प्रश्नबीच उभिएको छ, जसको उत्तर गाउँ पालिकाले वर्षोदेखि पर्खिरहेको छ । त्यो प्रश्न हो, ‘एउटै गाउँपालिकालाई आखिर कतिवटा प्रशासकीय भवन चाहिएको हो ?’

स्थानीय तह गठन भएको करिब दशक पुग्न लाग्दासमेत साईपाल गाउँपालिकाले स्थायी प्रशासकीय केन्द्र पाउन सकेको छैन । भवन निर्माण योजना एकपछि अर्को नेतृत्वसँगै फरक हुँदै गएको छ । एउटा कार्यकालमा वडा ३ को थरौनीघाटमा भवन बनाउने योजना अघि बढ्यो । यसका लागि डीपीआर पनि तयार भयो, जग्गा खरिद गरियो र भवन निर्माणसमेत अघि बढ्यो ।