भारतमा रुसी तेल आयात कीर्तिमानी स्तरमा पुग्ने संकेत

नयाँ दिल्ली । जुन महिनामा भारतले रुसबाट आयात गर्ने कच्चा तेलको मात्रा नयाँ कीर्तिमान स्तरमा पुग्न सक्ने अनुमान गरिएको छ । ऊर्जा विज्ञ अनस अलहाजीले भारतीय बन्दरगाहहरूमा रुसी कच्चा तेल बोकेका ट्याङ्करहरूको असाधारण भीड देखिएको दाबी गरेका छन् ।

एनजीपी इनर्जी क्यापिटल म्यानेजमेन्टका प्रमुख अर्थशास्त्री अनस अलहाजीका अनुसार, उनले भारतीय बन्दरगाहहरूमा यति धेरै रुसी तेल बोकेका ट्यांकरहरू यसअघि कहिल्यै नदेखेको बताएका छन् । उनले सामाजिक सञ्जालमार्फत सार्वजनिक गरेको केप्लरको नक्सामा भारतका विभिन्न बन्दरगाहतर्फ रुसी कच्चा तेल बोकेका थुप्रै ट्याङ्कर गइरहेको देखाइएको छ ।