सबै सरकारी कार्यालयमा अब निवेदनको ढाँचा एउटै हुने

सरकारी कार्यालयमा सेवा लिन निवेदन लेख्दा कार्यालयअनुसार फरक–फरक ढाँचा प्रयोग गर्नुपर्ने बाध्यता अब क्रमशः हट्ने भएको छ। सरकारले देशभरका सरकारी निकायमा प्रयोग हुने निवेदनको ढाँचा एकरूप बनाउँदै सेवा प्रवाहलाई डिजिटल प्रणालीसँग जोड्ने तयारी अघि बढाएको छ।

प्रधानमन्त्री तथा मन्त्रिपरिषद्को कार्यालयले ‘सरकारी कार्यालयमा प्रयोग हुने निवेदनको ढाँचा तथा सोको कार्यान्वयन मार्गदर्शन, २०८३’ स्वीकृत गर्दै सबै सरकारी निकायलाई कार्यान्वयनका लागि निर्देशन दिएको हो।