कोशी सरकारबाट कांग्रेस भोलिसम्म बाहिरिने, मुख्यमन्त्रीले एमालेका मन्त्रीहरू यथावत् राख्ने

विराटनगर । कोशी प्रदेश सरकारबाट नेपाली कांग्रेसका मन्त्रीहरूले राजीनामा दिने तयारी गरेका छन् । एमाले-नेकपाबीचको ३ बुँदे सहमतिपछि गठबन्धन फेरिएसँगै कांग्रेस बाहिरिन लागेको हो ।

आज बेलुकी वा भोलि बिहानसम्ममा कांग्रेसका मन्त्रीहरूले राजीनामा दिने स्रोतले बतायो । यस प्रदेशमा कांग्रेसबाट एक राज्यमन्त्रीसहित चारजना मन्त्री छन् । उनीहरूको राजीनामा आएपछि नयाँ सरकार गठनको प्रक्रिया अघि बढ्ने मुख्यमन्त्री तथा मन्त्रिपरिषद्को कार्यालय स्रोतले बतायो ।