काँराकोट खानेपानी आयोजनाका लागि टेन्डर खुल्ने

२७ साउन, काठमाडौं । सल्यानको वनगाड कुपिण्डे नगरपालिका-६, काँराकोटमा सञ्चालन हुने खानेपानी आयोजनाका लागि टेन्डर खुल्ने भएको छ । काँराकोट, गोगनकटेरावासीका लागि सिस्ने खोलाबाट पानी ल्याउने गरी टेन्डर आह्वान हुन लागेको हो ।

वनगाड कुपिण्डे नगरपालिकाका मेयर कर्णबहादुर बुढाथोकीको अध्यक्षता र खानेपानी तथा ढल व्यवस्थापन समिति, सुर्खेतका प्रतिनिधिहरूको सहभागितामा मंगलबार बसेको बैठकले २ करोड २० लाख रुपैयाँ बराबरको आयोजनाका लागि टेन्डर खोल्ने निर्णय गरेको हो ।