बालेन सरकारले विधेयक ल्याउँदा संसद्‌मा पुगेन गणपूरक

प्रतिनिधिसभामा झन्डै दुई तिहाइ बहुमतको नजिक रहेको राष्ट्रिय स्वतन्त्र पार्टी (रास्वपा) ले आफ्नै सरकारले अघि सारेको विधेयक निर्णयार्थ प्रस्तुत गर्ने क्रममा गणपूरक संख्या जुटाउन नसक्दा मंगलबारको बैठक स्थगित भएको छ।

सभामुख डोलप्रसाद अर्यालले खानी तथा खनिज पदार्थ विधेयक, २०८३ माथि विचार गरियोस् भन्ने प्रस्ताव निर्णयार्थ प्रस्तुत गर्न लाग्दा नेपाली कांग्रेसका सांसद निश्कल राईले गणपूरक संख्या यकिन गर्न माग गरेका थिए। त्यसपछि सभामुखले तीन मिनेटसम्म घण्टी बजाएर सांसदहरूलाई सभाकक्षमा उपस्थित हुन आग्रह गरे।