पुष्पकै बाटोमा उपासना, फिल्मकै लागि घटाइन् उल्लेखनीय वजन

काठमाडौं– अभिनेता पुष्प खड्काले ‘महाराजधिराज’ का लागि ६० दिनमा नै १२ केजी वजन घटाएको कुराको चर्चा सेलाउन नपाउँदै अभिनेत्री उपसना सिंह ठकुरीको पनि दुरुस्त उस्तै चर्चा चुलिएको छ ।

अभिनेत्री ठकुरीले पनि आफ्नो नयाँ फिल्म ‘भिडियो टेप’ का लागि सात केजी वजन घटाएकी छिन् । उनलाई जब मंगलवार फिल्मको घोषणा कार्यक्रममा देखियो, तब सबै उनको घटेको वजन देखेर अचम्ममा परेका थिए । पुल्चोकस्थित लबिम मलमा फिल्मका लागि आयोजना गरिएको पत्रकार सम्मेलनमा जब उनी ब्याकलेस लङ गाउनमा पुगिन्, तब उनको फिटनेसले धेरैको ध्यान केन्द्रित गरेको थियो ।