लुटपाटको आरोपमा दुई जना पक्राउ

२७ साउन, गोरखा । लुटपाटको आरोपमा जिल्लामा दुई जना पक्राउ परेका छन् । पालुङटार नगरपालिका- २ हर्मीकोट आँपपिपलका २२ बर्षीय कृष्ण परियार र ओडारेका २३ बर्षीय कुशल एसीलाई मंगलबार पक्राउ गरिएको प्रहरीले जनाएको छ ।

यही साउन ५ गते राती करिब साढे ९ बजे ओडारेका दुर्गा एसीलाई उनीहरूले लुटपाट गरेका थिए । ‘हर्मीबाट आफ्नो घर ओडारे जाँदै गर्दा दुर्गालाई पानपा २ भण्डारी चौतारास्थित सार्वजनिक बाटोमा कालो नकाप लगाएर रोकेछन्,’ डिएसपी राजकुमार श्रेष्ठले भने, ‘प्लाष्टिकको बोराले मुख छोपेर नाइनलको डोरीले बाध्न खोजेछन्, अनि १ लाख ७० हजार नगदसहित अन्य कागजात रहेको झोला लिएर भागेछन् ।’