फलफुलको उत्पादन बढाउन किसानलाई अनुदान

तनहुँ । कृषि विकास कार्यालय, तनहुँले सुन्तलाको उत्पादन वृद्धि गर्न कृषकलाई आवश्यक सामग्रीमा अनुदान उपलब्ध गराएको छ।

आर्थिक वर्ष २०८२/८३ मा सुन्तला बगैँचा स्थापना तथा विस्तार कार्यक्रमअन्तर्गत पाँच हेक्टर क्षेत्रफलका लागि रु पाँच लाख ६९ हजार अनुदान उपलब्ध गराएको हो। कार्यालय प्रमुख परशुराम अधिकारीले उक्त वर्षमा अनुदानका लागि रु सात लाख ५० हजार बजेट विनियोजन भएको थियो।