फिफा निलम्बन फुकाउन राखेपको ‘लास्ट आवर’ कसरत

विश्व फुटबलको सर्वोच्च निकाय अन्तर्राष्ट्रिय फुटबल महासङ्घ (फिफा) ले अखिल नेपाल फुटबल सङ्घ (एन्फा) लाई निलम्बन गरेपछि यतिबेला नेपाली फुटबल ओझेलमा परेको छ।

फिफाको निलम्बनका कारण नेपालले अन्तर्राष्ट्रिय प्रतियोगिताहरूमा सहभागिता जनाउन पाएको छैन भने नेपाली फुटबल खेलाडीहरूको भविष्यसमेत अन्योलग्रस्त बनेको छ। यस्तो जटिल परिस्थितिमा निलम्बन फुकुवा गराउन नेपाल सरकारका सम्बद्ध निकायहरूले आफ्नो पहल र प्रयासलाई निरन्तरता दिएका छन्।