भोटेकोशी बाढी: विदेशी पर्यटकसहित चार हजार चार सय ७२ जना सम्पर्कविहीन

गत भदौ १० गते रसुवाको भोटेकोशी नदीमा आएको भीषण बाढीका कारण विदेशी पर्यटकसहित जम्मा चार हजार चार सय ७२ जना मानिसहरू अझै पनि सम्पर्कविहीन अवस्थामा रहेको नेपाल प्रहरीले जनाएको छ।

केन्द्रीय प्रहरी प्रवक्ता अविनारायण काफ्लेले यस विपद्का कारण ठूलो सङ्ख्यामा मानिसहरू बेपत्ता भएको आधिकारिक विवरण जानकारी गराएका छन्। प्रवक्ता काफ्लेका अनुसार सम्पर्कविहीन भएका कुल व्यक्तिहरूमध्ये नेपाल प्रहरीका मात्रै २५ जना कर्मचारीहरू रहेका छन्, जसमध्ये ३ जनाको शव फेला परिसकेको र उनीहरूको पहिचानसमेत भइसकेको छ।