हाजिरीमा हेरफेर गरी तलब निकासा गर्ने पूर्वप्रधानाध्यापक र शिक्षिकाविरुद्ध भ्रष्टाचार मुद्दा

सर्लाहीको मलंगवा नगरपालिकामा सञ्चालित श्रीमती कृष्णादेवी जनता माध्यमिक विद्यालयमा कार्यरत शिक्षकको हाजिरी तथा बिदाको अभिलेखमा हेरफेर गरी सरकारी रकम हिनामिना गरेको आरोपमा अख्तियार दुरुपयोग अनुसन्धान आयोगले विद्यालयका तत्कालीन प्रधानाध्यापक र एक शिक्षिकाविरुद्ध विशेष अदालतमा मुद्दा दायर गरेको छ।

अख्तियारले विद्यालयका तत्कालीन प्रधानाध्यापक विन्देश्वर यादव र प्राथमिक द्वितीय श्रेणीकी शिक्षिका प्रियंका कुमारी सिंह विरुद्ध भ्रष्टाचार निवारण ऐन, २०५९ बमोजिम मुद्दा दायर गरेको हो।