राजीनामासँगै कोशी प्रदेश सरकारबाट बाहिरियो कांग्रेस

उदयपुर : कोशी प्रदेश सरकारबाट नेपाली कांग्रेस बाहिरिएको छ । बुधबार मुख्यमन्त्री हिक्मतकुमार कार्कीलाई मुख्यमन्त्री कार्यालय बिराटनगरमा कांग्रेसका सबै मन्त्रीहरुले सामुहिक राजीनामा बुझाएका हुन् ।

झण्डै दुई बर्षपछि कांग्रेस सरकारबाट बाहिरिएसँगै अब कोशी प्रदेश सरकारको प्रमुख प्रतिपक्ष दलको भूमिकामा रहने छ । प्रमुख प्रतिपक्ष दलको भूमिकामा रहेको नेपाल कम्युनिष्ट पार्टी र सत्तामा रहेको नेकपा एमालेबीच केन्द्रिय नेतृत्वमा प्रदेश सरकारको समीकरण गर्ने बिषयमा समझदार भएसँगै कांग्रेस बुधबार औपचारिक रुपमा सरकारबाट बाहिरिएको हो ।