ज्योति विकास बैंकको नाफामा ऐतिहासिक उछाल, एक अर्ब रुपैयाँ नाघ्यो

काठमाडौं– ज्योति विकास बैंक लिमिटेडले आर्थिक वर्ष २०८२/८३ को चौथो त्रैमाससम्म आइपुग्दा खुद नाफा, निक्षेप, कर्जा तथा जोखिम व्यवस्थापनका प्रमुख सूचकमा उल्लेखनीय सुधार गरेको छ । बैंकले सार्वजनिक गरेको अपरिष्कृत वित्तीय विवरणअनुसार असार मसान्तसम्म बैंकले १ अर्ब ९५ लाख रुपैयाँभन्दा बढी खुद नाफा आर्जन गरेको छ ।

अघिल्लो आर्थिक वर्ष २०८१/८२ मा बैंकको खुद नाफा १० करोड रुपैयाँमा सीमित रहेको थियो भने २०८०/८१ मा १७ करोड ५ लाख रुपैयाँ नाफा कमाएको थियो। पछिल्लो नतिजाले बैंकको नाफामा ऐतिहासिक उछाल आएको देखिएको छ।