एसीसी प्रिमियर कप : नेपालको खेल तालिका फेरियो, पहिलो खेल बहराइनसँग

काठमाडौँ । मलेसियामा आयोजना हुने एसीसी मेन्स प्रिमियर कप क्रिकेट प्रतियोगितामा नेपालको खेल तालिका परिवर्तन भएको छ । परिमार्जित तालिकाअनुसार नेपाली टोलीले प्रतियोगिताको पहिलो खेल अगस्ट ३१ मा बहराइनसँग खेल्नेछ।

यसअघि नेपाल र बहराइनबिचको खेल सेप्टेम्बर १ मा हुने तय भएको थियो। नयाँ तालिकाअनुसार खेल एक दिन अगाडि सारिएको हो। सन्दीप लामिछानेको कप्तानीमा रहेको नेपाल समूह ‘ए’ मा छ । नेपालको समूहमा आयोजक मलेसियासहित बहराइन, हङकङ र साउदी अरेबिया रहेका छन्।