कर्णाली प्रदेशः मन्त्रिपरिषदविहिन मुख्यमन्त्री, बिजनेसविहिन प्रदेशसभा

सुर्खेत । नेकपा नेता मंगलबहादुर शाही एमालेको समर्थनमा मुख्यमन्त्री नियुक्त भएको दुई साता बितिसक्दासमेत कर्णाली प्रदेशमा मन्त्रिमण्डल विस्तार गर्न सकेका छैनन् । मन्त्रिपरिषद् विस्तार गर्न नसक्दा उनी एक्लै प्रदेश सरकार सञ्चालन गरिरहेका छन् ।

मन्त्रिपरिषद् गठन हुन नसक्दा त्यसको असर कर्णाली प्रदेशसभाका कामकारबाहीमा समेत देखिन थालेको छ । सत्ता साझेदार नेकपा र एमालेबीच मन्त्रालय बाँडफाँट लगायतका विषयमा टुंगोमा नपुग्दा सरकार विस्तार रोकिएको छ भने सरकारले आवश्यक ‘विजनेस’ दिन नसकेपछि मंगलबारका लागि तय गरिएको प्रदेशसभा बैठकसमेत आगामी भदौ २ गते दिउँसो तीन बजेसम्मका लागि स्थगित भएको छ ।