एसीसी प्रिमियर कप: नेपालको खेल एक दिन अघि सर्यो, पहिलो भिडन्त बहराइनसँग

मलेसियामा आयोजना हुने एसीसी प्रिमियर कप एकदिवसीय क्रिकेट प्रतियोगितामा नेपालको खेलतालिका परिमार्जन भएको छ। नयाँ तालिकाअनुसार नेपालले यसअघि तय भएको मितिभन्दा एक दिन अगाडि प्रतियोगिताको सुरुवात गर्ने भएको छ।

यसअघि नेपालले सेप्टेम्बर १ मा पहिलो खेल खेल्ने तय भए पनि अब अगस्ट ३१ मै बहराइनसँग प्रतिस्पर्धा गर्नेछ।