नेपाल र भारतबीच बैंकिङ प्रणाली र मोबाइल डिभाइसबाट रेमिट्यान्स सेवा सुरु

काठमाडौं । भारतमा काम गर्ने नेपाली र नेपालमा रहेका भारतीय श्रमिकले अब आफ्नो मोबाइल वा बैंकिङ एपमार्फत घरमा पैसा पठाउन पाउने भएका छन्। नेपाल क्लियरिङ हाउस (एनसीएचएल) र भारतको नेसनल पेमेन्ट कर्पोरेसन अफ इन्डिया (एनपीसीआई) बीच भएको प्राविधिक एकीकरण (इन्टिग्रेसन) पछि व्यक्ति–व्यक्तिबीच विप्रेषण आप्रवाह सेवा सम्भव भएको हो।

दुई देशका भुक्तानी प्रणाली नेसनल पेमेन्ट इन्टरफेस (एनपीआई) र युनिफाइड पेमेन्ट इन्टरफेस (यूपीआई) जोडिएपछि अब दुवैतर्फका आप्रवासी श्रमिकले आफ्नो बैंक खाता प्रयोग गरी रकम पठाउन सक्ने भएका हुन्।