नेपाल टेलिकमलाई सञ्चारमन्त्रीको निर्देशन : सेवा छिटो, सहज र पूर्ण डिजिटल बनाऊ

काठमाडौं । सूचना तथा सञ्चारमन्त्री डा. विक्रम तिमिल्सिनाले नेपाल टेलिकमलाई सेवाग्राहीलाई अझ छिटो, सहज र प्रविधिमैत्री सेवा उपलब्ध गराउन निर्देशन दिएका छन् । उनले सेवा प्रवाहमा डिजिटल प्रणालीको प्रभावकारी कार्यान्वयनसँगै ग्राहकको व्यक्तिगत विवरणको सुरक्षा सुनिश्चित गर्न पनि जोड दिएका छन् ।

मंगलबार सुन्धारास्थित नेपाल टेलिकमको सूचना प्रविधि निर्देशनालय अन्तर्गतको बिजनेस सपोर्ट सिस्टम (बीएसएस) विभाग तथा दूरसञ्चार कार्यालयको निरीक्षणका क्रममा मन्त्री तिमिल्सिनाले सेवा प्रवाहको अवस्था, डिजिटल प्रणाली र ग्राहक सेवाबारे जानकारी लिएका थिए ।