विश्व आर्थिक बजारमा किन लगाइयो ७०० अर्ब डलरको दाउ ?

एजेन्सी । विश्वका ठूला हेज फन्ड र व्यावसायिक लगानीकर्ताहरूले अमेरिकी ब्याजदर उच्च रहने पक्षमा अहिलेसम्मकै ठूलो एकतर्फी दाउ लगाएका छन् । यसले गर्दा विश्व वित्तीय प्रणालीमा गम्भीर जोखिम निम्तिने खतरा देखिएको छ ।

पछिल्लो वित्तीय तथ्यांक अनुसार, व्यावसायिक लगानीकर्ताहरूले २९ लाख ७० हजारभन्दा बढी एसओएफआर फ्युचर्स कन्ट्रयाक्टमा सर्ट पोजिसन बनाएका छन् । यसको सिधा अर्थ अमेरिकी ब्याजदर लामो समयसम्म उच्च रहनेमा ७०० अर्ब डलरभन्दा बढीको बाजी लगाइएको छ । यो अमेरिकी वित्तीय इतिहासकै सबैभन्दा ठूलो र आक्रामक एकतर्फी लगानी हो । यसले सम्पूर्ण वित्तीय प्रणालीलाई नै जोखिमको भुमरीमा धकेलेको छ ।