खोलाले बगाउँदा जाजरकोटमा एक जना बेपत्ता

जाजरकोटको छेडागाडमा खोलाले बगाउँदा एक जना व्यक्ति बेपत्ता भएका छन् । छेडागाड नगरपालिका–९ का ४५ वर्षीय दलबहादुर महतारा छेडागाड नगरपालिका–१० र ११ को सीमामा बग्ने लम्ती खोलाले बगाउँदा बेपत्ता हुनुभएको हो ।

छेडागाडको थलह बजारमा उपचार गराएर घर फर्कने क्रममा सोमबार राति करिब ८ बजे महतारालाई खोलाले बगाएको स्थानीय कर्णबहादुर खड्काले जानकारी दिनुभयो ।