४८ वर्षपछि प्रबलीकरण गरियो धनकुटाको सामुदायिक भवन

२८ साउन, धनकुटा । धनकुटा सदरमुकामस्थित पुरानो सामुदायिक भवन ४८ वर्षपछि पुनर्निर्माण तथा प्रबलीकरण गरिएको छ । सघन सहरी तथा भवन निर्माण आयोजना कार्यालय, धनकुटामार्फत ९७ लाख १४ हजार ५ सय १५ रुपैयाँ खर्चेर भवनको मर्मतसम्भार गरिएको हो ।

२०३५ सालमा तत्कालीन नगर विकास आयोजनाबाट निर्माण भएको भवन लामो समयदेखि जीर्ण अवस्थामा थियो । भित्ता चर्किनुका साथै छानाबाट पानी चुहिने र शौचालय जीर्ण हुँदा भवनमा कार्यक्रम सञ्चालन गर्न समस्या हुँदै आएको थियो ।