पाकिस्तानको हवाई आक्रमणमा ३६ अफगानीको मृत्यु

काबुल– पाकिस्तानले आइतबार राति अफगानिस्तानका पक्तिया, पक्तिका र कुनार प्रान्तमा गरेको हवाई आक्रमणमा कम्तिमा ३६ सर्वसाधारणको मृत्यु भएको छ भने १६० भन्दा बढी घाइते भएका छन् ।

अफगानिस्तानका तालिबान सरकारका सहायक प्रवक्ता हमदुल्लाह फित्रतका अनुसार पक्तिया प्रान्तमा एक घरमा भएको आक्रमणपछि उद्धारका लागि भेला भएका स्थानीयमाथि पुनः बमबारी हुँदा मात्रै २८ जनाको ज्यान गएको हो ।