एच-१ बी भिसामा ट्रम्पले लगाएको एक लाख डलर शुल्क अदालतले गर्‍यो खारेज

अमेरिकी राष्ट्रपति डोनाल्ड ट्रम्पले एच-१ बी भिसामा कर्मचारी ल्याउन रोजगारदाता कम्पनीलाई लगाएको प्रतिवर्ष एक लाख अमेरिकी डलर शुल्क तिर्नुपर्ने नियम संघीय न्यायाधीशले खारेज गरेका छन्।

बोस्टनमा रहेको संघीय अदालतका एक न्यायाधीशले सोमबार धेरै दक्ष विदेशी कामदारहरूका लागि लगाइएको सो भिसा शुल्कलाई खारेज गरिदिएको भनेर समाचार संस्था रोएटर्सले लेखेको छ। उक्त शुल्क अमेरिकी संसदले कहिल्यै अनुमति नदिएको एक गैरकानुनी कर भएको निष्कर्ष बोस्टनका संघीय न्यायाधीश लियो सोरोकिनले निकालेका छन्।