साढे ५८ करोड राजस्व चुहावट : निलम्बित मेयर थापालाई साधारण तारेखमा राख्न विशेष अदालतको आदेश

विशेष अदालतले राजस्व चुहावटसम्बन्धी भ्रष्टाचार मुद्दामा सर्लाहीको बागमती नगरपालिकाका निलम्बित मेयर भरतकुमार थापालाई साधारण तारेखमा राखेर मुद्दाको प्रक्रिया अघि बढाउन आदेश दिएको छ।

न्यायाधीश हेमन्त रावल, डिल्लीरत्न श्रेष्ठ र उमेश कोइरालाको इजलासले मंगलबार थुनछेक बहसपछि थापालाई थुनामा नराखी साधारण तारेखमा राख्ने आदेश दिएको हो। थापाले बुधबार अदालतमा उपस्थित भई निवेदन दिएका थिए।