नेपाल भलिबल लिगको पहिलो दिनको कमाइ बाढीपीडितलाई दिइने

काठमाडौँ- भोटेकोशी नदीमा आएको बाढीबाट प्रभावितका लागि नेपाल भलिबल लिग (एनभीएल)ले सहयोग गर्ने भएको छ। एनभीएलको पहिलो दिन भदौ १९ गते हुने खेलको टिकट बिक्रीबाट संकलित सम्पूर्ण रकम प्रधानमन्त्री दैवी प्रकोप उद्धार कोषमा जम्मा गरिने आयोजकले जनाएको छ ।

एनभीएलका प्रमुख सञ्चालन अधिकृत विकास खेतानले उद्धार, उपचार तथा पुनर्स्थापना अभियानमा आफ्नो तर्फबाट सहयोगस्वरूप पहिलो दिनको टिकट बिक्रीको सम्पूर्ण रकम सहयोग गर्ने प्रतिबद्धता व्यक्त गरेका छन् ।