अब मोबाइल बैंकिङबाटै धितोबिना १० लाखसम्म कर्जा पाइने

काठमाडौँ । नेपाल राष्ट्र बैंकले डिजिटल लेन्डिङ (विद्युतीय कर्जा) को दायरा विस्तार गर्दै लघु, साना तथा मझौला व्यवसायीलाई मोबाइल बैंकिङमार्फत धितोबिनै १० लाख रुपैयाँसम्म कर्जा लिन सक्ने व्यवस्था गरेको छ।

केन्द्रीय बैंकले ‘विद्युतीय माध्यमबाट प्रवाह हुने कर्जा (डिजिटल लेन्डिङ) सम्बन्धी मार्गदर्शन, २०७८’ लाई परिमार्जन गर्दै अल्पकालीन चालू पुँजी कर्जाका लागि पाँच लाख रुपैयाँ र दीर्घकालीन चालू पुँजी कर्जाका लागि १० लाख रुपैयाँसम्म डिजिटल कर्जा उपलब्ध गराउने व्यवस्था गरेको हो।