रारा मसला उद्योगमा घरेलु कार्यालयको निरीक्षण, प्रतिनिधि र पीडित पक्षबीच छलफल

लुम्बिनी । बुटवल उपमहानगरपालिका वडा न-११ देवीनगरस्थित साँग्रिला पथमा रहेको रारा मसला उद्योगबाट निस्कने प्रदूषणका कारण स्थानीय बासिन्दा लामो समयदेखि स्वास्थ्य समस्यासँग जुँधिरहेको बताएका छन् । उद्योगबाट निस्कने धुलो र धुवाँका कारण आफ्नो स्वास्थ्यमा गम्भीर असर पर्दा पनि उद्योग सञ्चालकले बेवास्ता गरेको स्थानीयहरुको गुनासो छ ।

यसअघि स्थानीयले पटक-पटक समस्या समाधानका लागि उद्योगीलाई ध्यानाकर्षण गराउँदा उद्योगीले कुरा नसुनेपछि पीडित स्थानीयबासिन्दाले स्थानीय बुटवल उपमहानगरपालिकाको न्यायिक समितिमा लिखितरुपमा उजुरी दर्ता गराएका थिए । उजुरीपछि न्यायिक समितिले दुवै पक्षलाई राखेर छलफल गराएको थियो । छलफलको निर्णयअनुरुप न्यायिक समितिले गत असार २६ गते उद्योगको अनुगमन समेत गरेको थियो ।