भत्किएका सडक र पुल बनाउन कम्तीमा ३० अर्ब

भोटेकोशीमा बाढीका कारण भत्किएका पुल र सडकको पुनर्निर्माण तथा मर्मत गर्न कम्तीमा ३० अर्ब रुपैयाँ खर्च हुने सडक विभागले प्रारम्भिक अनुमान गरेको छ। विभागका महानिर्देशक डा. विजय जैसीका अनुसार सडक र पुलको पुनर्निर्माण प्रक्रिया विभागले अघि बढाइसकेको छ।

‘क्षतिको विस्तृत अध्ययन सुरु गरिसकेका छौं,’ उनले भने। विभागका अनुसार रसुवाको मितेरी पुलदेखि धादिङको मलेखुसम्म ४१ वटा पुल रहेकोमा ३५ वटामा बाढीले क्षति पुर्‍याएको छ। तीमध्ये ३२ वटा पूर्ण रूपमा क्षति भएका छन् भने तीन वटामा आंशिक क्षति भएको छ। ६ वटा पुल भने सुरक्षित छन्। ती पुलका कारण त्रिशूली वारिपारि आवातजावात गर्न सहज भएको विभागले जनाएको छ।