'कोरिया सन्देश' विमोचन

काठमाडौँ । नेपाली जनप्रगतिशील मञ्च दक्षिण कोरियाले 'कोरिया सन्देश' जर्नल विमोचन गरेको छ । कोरियाका लागि नेपाली राजदूत शिवमाया तुम्बाहाङ्फेसहितले उक्त जर्नल सोलमा आयोजित एक कार्यक्रमका बिच विमोचन गरेको मञ्चका अध्यक्ष जीवन खतिवडाले बताए ।

पुस्तकमा कोरियामा क्रियाशील रहेका विभिन्न संघ संस्था र संघठनका बारेमा जानकारी समेटिएको छ । जसमा ती संघ संगठनका पदाधिकारीको नाम र तस्बिरहरू समेत समेटिएको छ । त्यसैगरी कोरियामा रहने सम्पूर्ण नागरिकका लागि स्वास्थ्य लाभ होस् भन्ने उद्देश्यले नेपाली जनप्रगतिशिल मञ्च काेरियाले पुस्तकमा विभिन्न स्वास्थ्य अवस्था र खानपिनका बारेमा डाक्टरकाे लेख समेत प्रकाशित गरेकाे छ ।