प्रभु बैंकद्वारा त्रिभुवन विश्वविद्यालयलाई डिजिटल बोर्ड हस्तान्तरण

काठमाडाैं । प्रभु बैंकले त्रिभुवन विश्वविद्यालयको व्यवस्थापन केन्द्रीय विभागलाई डिजिटल बोर्ड हस्तान्तरण गरेको छ । बैंकले आफ्नो संस्थागत सामाजिक उत्तरदायित्व (सीएसआर) कार्यक्रमअन्तर्गत उक्त सहयोग गरेको जनाएको छ ।

काठमाडौंको कीर्तिपुरस्थित व्यवस्थापन केन्द्रीय विभागमा आयोजित कार्यक्रममा बैंकले शिक्षामा प्रविधिको पहुँच विस्तार गर्ने उद्देश्यसहित डिजिटल बोर्ड प्रदान गरेको जनाएको छ । बैंकका अनुसार उक्त सहयोगले डिजिटल शिक्षण–सिकाइ प्रक्रियालाई थप प्रभावकारी, अन्तरक्रियात्मक तथा प्रविधिमैत्री बनाउन सहयोग पुग्ने अपेक्षा गरिएको छ ।