धितोबिनै मोबाइल एपबाट १० लाखसम्म ऋण, क-कसले पाउँछन् ?

काठमाडौं । कुनै बेला तत्काल आइपर्ने गर्जो टार्न वा सानो व्यवसाय सुरु गर्न आफन्तसँग गुहार माग्नेहरू अचेल मोबाइलको एक क्लिकमा कर्जा लिन अभ्यस्त हुँदै गएका छन् । छिटो–छरितो सेवा पाएकै कारण हालसम्म बैंकिङ प्रणालीबाट १६ अर्ब रुपैयाँभन्दा बढीको डिजिटल कर्जा प्रवाह भइसकेको छ ।

बैंक तथा वित्तीय संस्थाले व्यवसाय सञ्चालन गर्न वा तत्काल आइपर्ने गर्जो टार्न परम्परागत बैंकिङ सेवाभन्दा फरक तरिका अपनाउँदै आएका छन् । जसले गर्दा नेपालको वित्तीय क्षेत्रले डिजिटल कर्जामा ठूलो फड्को मारेको छ ।