भोटेकोशी बाढी : पुनःस्थापनाका लागि २१ दिनभित्र काम अघि बढाउने कार्यदल गठन

रसुवाको भोटेकोशी नदीमा आएको बाढीबाट प्रभावित नागरिकलाई सामान्य जनजीवनमा फर्काउन पूर्वाधार विकास मन्त्रालयले कार्यदल गठन गरेको छ।

मन्त्रालयका अनुसार कार्यदलले २१ दिनभित्र प्रारम्भिक पुनःस्थापना तथा आवश्यक व्यवस्थापनका काम अघि बढाउने गरी जिम्मेवारी पाएको छ। कार्यदलले प्रभावित क्षेत्रमा सडक, पुल, खानेपानी, पुनर्वास, झोलुङ्गे पुल, भग्नावशेष व्यवस्थापन, सञ्चार तथा स्वास्थ्यलगायतका क्षेत्रमा आवश्यक काम पहिचान, समन्वय र कार्यान्वयनमा सहजीकरण गर्नेछ।