मुस्ताङको लक्जरी रिसोर्ट शिन्तामणीको ९ महिनामा १३.६ करोड आम्दानी, ऋणभार पनि घट्यो

काठमाडौं । मुस्ताङको मार्फामा सञ्चालनमा रहेको देशकै महँगा लक्जरी रिसोर्टमध्ये एक शिन्तामणी मुस्ताङले चालु आर्थिक वर्षको पहिलो नौ महिनामा १३ करोड ६० लाख रुपैयाँ बराबरको कारोबार गरेको छ।

रिसोर्ट सञ्चालन गर्ने मुस्ताङ माउन्टेन होमका अनुसार गत आर्थिक वर्षमा कम्पनीको कुल कारोबार १५ करोड रुपैयाँ पुगेको थियो। त्यसअघि सन् २०२४ मा ७ करोड ६० लाख रुपैयाँ र सन् २०२३ मा १ करोड ८० लाख रुपैयाँ आम्दानी भएको थियो। सन् २०१४ मा स्थापना भएको कम्पनी सन् २०२३ मा सार्वजनिक कम्पनीमा रूपान्तरण भएको हो।