यूएईले १ करोड अमेरिकी डलरको राहत सामाग्री नेपाल पठायो

काठमाडौं– संयुक्त अरब इमिरेट्स (यूएई)बाट बाढी तथा पहिरो प्रभावित नेपालीका लागि ४५ टन राहत सामग्री बोकेको दोस्रो राहत विमान नेपाल आइपुगेको छ। यूएई सहायता एजेन्सीमार्फत सञ्चालन गरिएको उक्त विमान राहत सामग्रीसहित नेपाल आएको हो।

यूएईका राष्ट्रपति शेख मोहम्मद बिन जायद अल नाह्यानको निर्देशनअनुसार नेपालका बाढीपहिरो प्रभावितका लागि १ करोड अमेरिकी डलर (३ करोड ६७ लाख दिराम) बराबरको सहायता उपलब्ध गराउने निर्णय कार्यान्वयन गर्दै राहत सामग्री पठाइएको हो।