सम्भावित जोखिम देखाउँदै चीनले गर्‍यो झाङ्मु पोर्ट अस्थायी रूपमा बन्द

सिन्धुपाल्चोक : सम्भावित विपद्लाई मध्यनजर गर्दै चीन सरकारले नेपाल–चीनबीचको उत्तरी नाका तातोपानी पारी रहेको झाङ्मु पोर्ट अनिश्चित कालको लागि बन्द गरेको जानकारी नेपाललाई दिएको छ ।

तातोपानी भन्सार कार्यालयका भन्सार अधिकृत तुलबहादुर पाण्डेका अनुसार चिनियाँ पक्षले अस्थायी रूपमा झाङ्मु पोर्ट बन्द गरिएको जानकारी इमेलमार्फत गरेको हो । ‘हामीलाई उहाँहरुले छोटो इमेल गर्नुभएको छ’,पाण्डेले चिनियाँ अधिकारीले पठाएको इमेललाई उदृत गर्दै भने,‘हामीले केही समयको लागि झाङ्मु पोर्ट बन्द गरेका छौं, कहिले खोल्छौं भन्ने जानकारी अर्को इमेलमा गराउनेछौं भनिएको छ ।’