५० हजार विद्युत् मिटर सातै प्रदेशमा पठाइयो, नयाँ मिटरका लागि निवेदन दिन आग्रह

काठमाडौँ । ऊर्जा जलस्राेत तथा सिँचाई मन्त्रालयले नेपाल विद्युत् प्राधिकरणमा ५० हजार वटा नयाँ विद्युत् मिटर उपलब्ध भई सम्बन्धित सातै प्रदेशमा पठाइसकिएको जनाएको छ।

मन्त्री विराज भक्त श्रेष्ठको सचिवालयका अनुसार नयाँ विद्युत् मिटर आवश्यक पर्ने सबै सेवाग्राहीलाई आफ्नो नजिकको नेपाल विद्युत् प्राधिकरणको कार्यालय वा प्रादेशिक कार्यालयमा गई आवश्यक प्रक्रिया पूरा गरी निवेदन दर्ता गर्न आग्रह गरिएको छ।