बालेनको टिमको बालहठबीच परराष्ट्रमन्त्री खनालको हस्तक्षेप? असार ३१ देखि जर्मन कम्पनीले छाप्ने नयाँ राहदानी

नयाँ राहदानी (पासपोर्ट) छपाइसम्बन्धी ठेक्का विवादका बीच सरकारले जर्मन कम्पनीमार्फत नै नयाँ प्रणाली लागू गर्ने तयारीलाई अघि बढाएको छ। परराष्ट्र मन्त्रालयका अनुसार ठेक्का सम्झौताअनुसार असार ३१ गतेदेखि नयाँ प्रणालीबाट राहदानी छपाइ सुरु गर्ने तयारी अन्तिम चरणमा पुगेको छ।

राहदानी विभागले गत वर्ष दुई जर्मन सरकारी कम्पनीसँग ६४ लाख राहदानी खरिदका लागि सम्झौता गरेको थियो। म्युहलबाउर आईडी सर्भिसले प्रणाली विकासको जिम्मा पाएको छ भने भेरिडोसले राहदानी छपाइको ठेक्का पाएको छ।