प्रधानमन्त्री राहत कोषमा अन्नपूर्ण न्युरो अस्पतालको ३० लाख सहयोग

१६ भदौ, काठमाडौँ । काठमाडौंको माइतीघरस्थित अन्नपूर्ण न्युरो अस्पताल र त्यहाँ कार्यरत कर्मचारीहरूले बाढीपहिरो प्रभावितको उद्धार तथा राहतका लागि ३० लाख रुपैयाँ आर्थिक सहयोग गरेका छन्।

भोटेकोशी–रसुवा क्षेत्रसहित देशका विभिन्न जिल्लामा आएको प्राकृतिक विपत्तिमा परेका नागरिकलाई सघाउन अस्पतालले ‘प्रधानमन्त्री दैवीप्रकोप उद्धार कोष’मा उक्त रकम जम्मा गरेको हो।