नारायणी अस्पतालबाट अपहरणमा परेका नवजात शिशुको उद्धार, अपहरणकारी महिला पक्राउ

वीरगन्ज । पर्साको वीरगञ्ज महानगरपालिका–४ नारायणी अस्पतालबाट अपहरणमा परेका नवजात शिशुको उद्धार भएको छ ।

आइतबार अपराह्न ४ बजेतिर अपहरण परेका ती नवजात शिशुलाई जिल्ला प्रहरी कार्यालय पर्साले सोमबार दिउँसो १ बजे उद्धार गरेको हो । प्रहरीले शिशुको खोजीका लागि आइतबार ५ बजेदेखि नै अपरेशन सुरू गरेको थियो । सूचना प्राप्त लगत्तै सीमावर्ती नाकाहरूमा सुक्ष्म निगरानी अघि बढाएको प्रहरीले अस्पताल भित्र र बाहिरको सिसिटिभी फुटेज जाँच र विश्लेषण गरी अनुसन्धान अघि बढाएको थियो ।