पूर्वी नाकाबाट विदेशी पर्यटक बढे, सबैभन्दा धेरै भुटानी

झापा । पूर्वी नेपालको प्रमुख स्थलमार्ग काँकरभिट्टा नाका हुँदै आर्थिक वर्ष २०८२\८३ मा ८६ देशका ९ हजार ४४७ जना विदेशी पर्यटक नेपाल भित्रिएका छन्। अध्यागमन कार्यालय काँकरभिट्टाको तथ्याङ्कअनुसार यो संख्या दैनिक औसत करिब २६ जना विदेशी पर्यटक नेपाल प्रवेश गरेको हो ।

आर्थिक वर्ष २०८२\८३ मा काँकरभिट्टा नाकाबाट नेपाल प्रवेश गर्ने विदेशी पर्यटकमा भुटान, अमेरिका, थाइल्याण्ड, अष्ट्रेलिया, बेलायत, क्यानडा, जर्मनी, फ्रान्स, जापान र रुसलगायत देशका नागरिक छन् । कुल आगन्तुकमध्ये भुटानी नागरिकको हिस्सा सबैभन्दा ठूलो छ । ४ हजार ९९४ जना भुटानी नागरिक नेपाल प्रवेश गरेका छन् ।