१० महिनामा कर्णालीमा ३० प्रतिशत पनि बजेट खर्च भएन, अब ७० प्रतिशत बजेट खर्च हुनै मुस्किल

सुर्खेत । चालु आर्थिक वर्ष २०८२/०८३ सकिन दुई महिना मात्रै बाँकी रहँदा कर्णाली प्रदेश सरकारको बजेट खर्च ३० प्रतिशत पनि पुग्न सकेको छैन । सरकारले वैशाख मसान्तसम्म अर्थात् १० महिनाको अवधिमा कुल बजेटको २९.०३ प्रतिशत मात्रै बजेट खर्च गर्न सकेको हो ।

चालु आर्थिक वर्षमा सरकारले ३२ अर्ब ९९ करोड ६६ लाख ५५ हजार बराबरको कुल बजेट ल्याएकोमा १० महिनामा ९ अर्ब ६३ करोड ५१ लाख ४९ हजार ८३० रुपैयाँ बराबरको बजेट खर्च भएको प्रदेश लेखा नियन्त्रकको कार्यालयका लेखा अधिकृत ललित थापाले बताए ।