उद्धार कोषमा म्यानपावर व्यवसायीद्वारा डेढ करोड सहयोग

१६ भदौ, काठमाडौं । रसुवामा आएको बाढी तथा पहिरोबाट प्रभावितको राहत तथा पुनर्स्थापनाका लागि वैदेशिक रोजगार व्यवसायीहरूले डेढ करोड रुपैयाँ सहयोग जुटाएका छन् ।

नेपाल वैदेशिक रोजगार व्यवसायी संघको आह्वानमा सञ्चालन गरिएको सहयोग अभियानमा संस्था, व्यक्तिगत, शाखा तथा विभिन्न विदेशी साझेदार संस्थासहित ५२० भन्दा बढी व्यवसायी तथा संस्थाको सहभागिता रहेको संघले जनाएको छ । सहयोग प्राप्त हुने क्रम अझै जारी रहेको संघको भनाइ छ ।