अस्तित्वको अन्तिम अग्निपरीक्षा

नेपाली कांग्रेस केवल दुईबाट एउटामा फर्किएको हुनेछैन, बरु नवीन समझदारीका आधारमा ‘तेस्रो पुनर्जन्म’ भएको मानिनेछ।

नेपाली कांग्रेस यतिबेला आफ्नो इतिहासकै सबैभन्दा गम्भीर र दूरगामी प्रभाव पार्ने राजनीतिक संकटको मोडमा उभिएको छ। बितेका केही दशकहरूमा कांग्रेसले धेरै राजनीतिक उतारचढाव, आन्तरिक विभाजन र पुनर्मिलनका शृंखलाहरू बेहोरेको छ। तर, वर्तमान संकट विगतका विभाजनभन्दा भिन्न र जटिल छ। आज कांग्रेसभित्र केवल दुईवटा गुट वा दुई नेताबीच सत्ता र पदको सादा लडाइँमात्र चलिरहेको छैन, यो त एउटा सिंगो युगबाट अर्को नयाँ युगमा प्रवेश गर्न खोजिरहेको पार्टीको संक्रमणकालीन महासंकट हो।