महान् खेलाडीको अन्तर्राष्ट्रिय करियरबाट स्वर्णिम बिदाइ

सन् २०१६ को त्यो रात अझै पनि फुटबलप्रेमीहरूको मनमा बिझेको तिखो काँडाजस्तै लाग्छ । न्यु जर्सीको मेटलाइफ स्टेडियममा कोपा अमेरिका सेन्टेनारियोको फाइनल टाइब्रेकरमा चिलीसँग पराजित भएपछि नीलो–सेतो जर्सीमा सजिएका एक युवक मैदानमै निहुरिए ।

जिन्दगीले जसलाई फुटबलको पर्याय बनायो, तिनै लियोनेल मेसीका आँसु केवल एउटा हारको निराशा थिएनन्—त्यो त आफ्नै काँधमा थोपरिएको असीमित दबाबको बोझ थियो ।