शतकपछि कुशलको प्रतिक्रिया- शीर्ष ब्याटरले राम्रो सुरुआतमा खुसी छु

आइसिसी विश्वकप लिग–२ को शृङ्खलामा अमेरिकामाथि सानदार जित निकालेपछि नेपालका शतकधारी ब्याटर कुशल भुर्तेलले आफ्नो शतकभन्दा पनि शीर्ष क्रमका ब्याटरले रन बनाउन सक्दा बढी खुसी लागेको बताउनुभएको छ ।

अमेरिकाविरुद्ध अविजित १२० रनको शतकीय पारी खेल्नुभएका ओपनर भुर्तेलले खेलपछिको पत्रकार सम्मेलनमा भन्नुभयो, “लामो समयदेखि शीर्ष क्रमका ब्याटरबाट राम्रो सुरुआत हुन सकिरहेको थिएन, आज त्यो सम्भव हुँदा निकै खुसी लागेको छ । मेरो व्यक्तिगत शतकभन्दा पनि टोलीको जित सधैँ महत्वपूर्ण रहन्छ ।” उहाँले शतक पूरा हुँदाको क्षण व्यक्त गर्न आफूसँग शब्द नै नभएको समेत उल्लेख गर्नुभयो ।