विपद् प्राधिकरणका कार्यकारी प्रमुख भन्छन् पूर्वसूचना प्रणाली बलियो बनाउनुपर्छ

राष्ट्रिय विपद् जोखिम न्यूनीकरण तथा व्यवस्थापन प्राधिकरणका कार्यकारी प्रमुख डा धर्मराज उप्रेतीले भोटेकोशी बाढीले नेपालमा अन्तरदेशीय पूर्वसूचना प्रणालीको आवश्यकता रहेको बताएका छन्।

डा उप्रेतीका अनुसार हिमपहिरो, चट्टान खस्ने, त्यसबाट नदी थुनिने र पछि बाँध फुटेर ठूलो बाढी आउने घटनाले विपद्को जोखिमलाई एकअर्कासँग जोडिएको देखाएको छ। यस वर्ष एसियाली क्षेत्रमा औसतभन्दा बढी तापक्रम रहेको र हिमाली क्षेत्रमा समेत तापक्रम वृद्धिले जोखिम बढाएको उनको भनाइ छ।