लघुवित्त पीडितको आन्दोलनमा जाने तयारीमा थिए दुर्गा प्रसाईं, घरबाहिरै रोक्यो प्रहरीले

काठमाडौं- मेडिकल व्यवसायी दुर्गा प्रसाईंलाई लघुवित्त पीडितको आन्दोलनमा सहभागी हुनबाट रोक्न प्रहरीले उनको भक्तपुरस्थित घरमै निगरानी बढाएको छ ।

लघुवित्त पीडितहरूले शनिवार ललितपुरको हरिहर भवनस्थित राष्ट्रिय मानव अधिकार आयोगको कार्यालयबाहिर प्रदर्शन गरेका थिए । उक्त प्रदर्शनमा प्रसाईं पनि सहभागी हुने तयारीमा थिए । तर, उनी घरबाट बाहिर निस्कनुअघि नै प्रहरी उनको निवासमा पुगेको र बाहिर जान नदिएको प्रसाईंले बताएका छन् ।