अमेरिका–इरान तनाव बढ्दा लगानीकर्ता चिन्तित, सेयर बजारमा गिरावट

मध्यपूर्वमा पुनः बढेको सैन्य तनावसँगै अन्तर्राष्ट्रिय बजारमा कच्चा तेलको मूल्य बढेपछि अमेरिकी सेयर बजारमा गिरावट आएको छ। इरानी लक्ष्यमा अमेरिकाले गरेको पछिल्लो सैन्य कारबाहीले लगानीकर्तामाझ भूराजनीतिक जोखिम र ब्याजदर वृद्धिको चिन्ता थप बढाएको हो।

सोमबारको कारोबारमा डाउ जोन्स औद्योगिक औसत ३७४ दशमलव ०९ अंक अर्थात् ० दशमलव ७ प्रतिशतले घटेर ५३ हजार १८५ दशमलव ९ अंकमा बन्द भयो। त्यस्तै, एस एन्ड पी ५०० २५ दशमलव ६२ अंक अर्थात् ० दशमलव ३३ प्रतिशतले घटेर ७हजार ६८६ दशमलव १४ अंकमा पुग्यो। नास्डाक समग्र सूचक पनि ३१ दशमलव ५३ अंक अर्थात् ० दशमलव १२ प्रतिशतले घटेर २६ हजार ३७० दशमलव ८९ अंकमा झरेको छ।